ცხვირის კორექცია ფილერით არის არაქირურგიული ესთეტიკური პროცედურა, რომლის მიზანია ცხვირის ფორმის ვიზუალური ცვლილება. პროცედურის დროს ცხვირის კონკრეტულ ზონებში შეჰყავთ ჰიალურონის მჟავაზე დაფუძნებული ფილერი, რომელიც ასწორებს არათანაბარ კონტურებს, ამცირებს კეხის ვიზუალურ ეფექტს და ცხვირს უფრო დახვეწილ იერს აძლევს.

ცხვირის კორექცია ფილერით სამუდამოდ არ ცვლის ცხვირის ზომას და არ წარმოადგენს ქირურგიულ რინოპლასტიკას. მისი მიზანია მცირე ესთეტიკური დეფექტების კორექცია. პროცედურა განსაკუთრებით პოპულარულია მათთვის, ვისაც სურს სწრაფი და ბუნებრივი შედეგი ოპერაციის გარეშე.